टी–२० विश्वकप अगाडि नेपाल भ्रमणमा आएको वेस्ट इन्डिज ‘ए’लाई नेपालले ४ विकेट पराजित गरेको छ । शनिबार कीर्तिपुरको त्रिवि क्रिकेट मैदानमा २०५ रनको लक्ष्य पछ्याएको नेपालले २ बल बाँकी छँदै जीत निकाल्यो । ५ खेलको श्रृंखलामा नेपाल १–० को अग्रता दिलाउन सफल भएको हो ।

नेपालसँग पराजित भएपछि वेस्ट इन्डिजको वेस्ट इन्डिज क्रिकेट बोर्डले नेपालले २ बल बाँकी छँदै सिरिजको पहिलो खेल जितेको लेखेको छ । आफ्ना कप्तान रोस्टन चेजले ७४ रन बनाएको पनि बोर्डले सामाजिक सञ्जालमा उल्लेख छ । ’विन्डिज क्रिकेट’ले नेपालसँगको श्रृंखलाका बाँकी ४ खेलले आउँदै गरेको टी–२० पुरुष विश्वकपको तयारीको रुपमा काम गर्ने पनि जनाएको छ । 

कप्तान रोहित पौडेलले ५४ बलमा ११२ रन बनाएपछि नेपालले २०५ रनको लक्ष्य २ बल बाँकी हुँदै पूरा गरेको थियो । दोस्रो खेल कीर्तिपुरस्थित मैदानमै आइतबार हुनेछ ।

वेस्ट इन्डिजविरुद्ध सनसनीपूर्ण जीत निकाल्दाका ‘एकल नायक’ रोहित