दुई वर्षअघि साथीको हत्या गरेको आरोपमा प्रहरीले एक युवकलाई उदयपुरको कटारीबाट पक्राउ गरेको छ ।

लागूऔषध सेवन गरेर काठमाडौंको गौशालामा साथीको हत्या तथा ३ वटा चोरीडाँका मुद्दाका आरोपी काठमाडौं– ७ मैजुबहालका विवेक मल्ललाई पक्राउ गरिएको काठमाडौं उपत्यका अपराध अनुसन्धान कार्यालयका प्रवक्ता एसपी कृष्ण कोइरालाले जानकारी दिए ।

२५ वर्षीय मल्ललाई जिप्रका उदयपुरसँगको समन्वयमा कटारीबाट पक्राउ गरिएको उनले बताए ।

उनले २०७७ जेठमा गौशाला एरियामा मोरङको सुन्दरहरैँचा घर भएका उज्जवल काफ्लेको हत्या गरेको आरोप छ ।