०५ साउन २०८३, मंगलबार
शेयर बजारमा साताको पहिलो दिन आइतवार सकारात्मक सुधार देखिएको छ ।
आइतवार एकै दिन बजार ९४.९२ अंकले बढेको छ । १८४८ अंकमा झरिसकेको शेयर बजार पछिल्लो दुई दिनदेखि बढ्न थालेको छ । आइतवार मात्रै बजार ५.१० प्रतिशतले बढेर १९५६ बिन्दुमा पुगेको छ ।
आइतवार शेयर बजारमा दुई अर्ब १६ करोडको कारोबार भएको छ । बजार बढेसँगै एकैदिन २१ कम्पनीको शेयर मूल्यमा सकारात्मक सर्किट लागेको छ । बजार बढेका कारण थप ३१ कम्पनीको शेयर मूल्य ९ प्रतिशतभन्दा बढीले बढेको छ ।
आज बजारमा विभिन्न ५ कम्पनीको ऋण पत्रबाहेक सबैले कमाएका छन् । आज २३० कम्पनीको ६३ लाख ६३ हजार कित्ता शेयरको ४४ हजार पटक कारोबार भएको छ ।
