नेकपा (एस)का अध्यक्ष माधव नेपालले मंसिरमा संसदीय चुनाव हुने बताएका छन् । 

सोमवारबाट काठमाडौंमा शुरू भएको केन्द्रीय परिषद्को पहिलो बैठकलाई सम्बोधन गर्दै उनले प्रदेश र प्रतिनिधि सभाको चुनाव मंसिरमा हुने बताएका हुन् । 

उनले अरूमाथि भरोसा गरेर चल्ने नभई आफैं तयारी गर्ने बताएका छन् । ‘अरूमाथि भरोसा गरेर चल्ने होइन, आफैैं तयारी गर्ने हो,’ उनले भने, ‘१६५ संघीय र ३३० वटै प्रदेश सभा सदस्यका लागि ठोस् जिम्मेवारी दिनैपर्छ । तयारी अहिलेदेखि नै गर्नुपर्छ ।’