बाजुरा बूढीगंगा नगरपालिकामा स्थानीय तहको निर्वाचनको मत गणनाको प्रारम्भिक नतिजा सार्वजनिक भएको छ । 

प्रारम्भिक नतिजाअनुसार नेकपा एमालेले शुरूवाती अग्रता कायम गरेको छ । वडा नं. १ र १० को ४ सय मतगणना गन्दा एमाले उम्मेदवार रामबहादुर बानियाँले ३ मतको अग्रता लिएका छन् । 

बानियाँले १८८ मत पाएका छन् भने नेपाली कांग्रेसका उम्मेदवार रंगबहादुर खातीले १८५ मत पाएका छन् । यस्तै उपमेयरमा एमालेकी मायाकुमारी खड्काले १८७ र नेपाली कांग्रेसकी रिता शाहीले १८५ मत पाएका छन् ।

अन्य स्थानीय तहमा गत वैशाख ३० गते स्थानीय तहको निर्वाचन सम्पन्न भए पनि उक्त नगरपालिकाको निर्वाचन रद्ध गरिएको थियो । उक्त नगरपालिकामा अस्वाभाविक मत खसेपछि उक्त निर्वाचन रद्ध गरी बिहीवार पुनः मतदान गराइएको थियो ।