बाजुराको बुढीगंगा नगरपालिकामा भएको स्थानीय चुनावको मतगणना जारी छ ।

वैशाख ३० गतेको चुनाव स्थगित भएपछि असार २३ गते भएको चुनावको मतगणनामा मेयर पदमा नेकपा एमालेले अग्रता लिएको छ ।

हालसम्म ३ हजार ९६२ मतगणना हुँदा एमालेले मेयरमा १ हजार १५२ मतको अग्रता कायम गरेको छ ।

एमालेका उम्मेदवार मेयरमा रामबहादुर बानियाँले २ हजार ४४३ र उपमेयरमा मायाकुमारी खड्का कुवँरले २ हजार ४१७ मत पाएका छन् भने नेपाली कांग्रेसका उम्मेदवार मेयरमा रंगबहादुर खातीले १ हजार २९१ र उपमेयरमा रिता शाहीले १ हजार ३१२ मत पाएका छन् ।

बुढीगंगा नगरपालिकाको १, २, ९ र १० नम्बर वडाको गणना सम्पन्न भएको छ । वडाध्यक्षमा एमालेका उम्मेदवार विजयी भएका छन् ।