बिहीवार बिहान कर्णाली प्रदेश, बागमती प्रदेश र  गण्डकी प्रदेशका एक-दुई स्थानहरूमा  हल्कादेखि मध्यम वर्षा भइरहेको जल तथा मौसम विज्ञान विभागले जनाएको छ ।

अहिले देशभर मनसुनी वायुको सामान्य प्रभाव रहेकाले वर्षा भइरहेको विभागले बिहीवार एक बुलेटिन जारी गर्दै जानकारी दिएको छ । 

बिहीवार बिहान देशभर हल्कादेखि आंशिक बदली रहेको समेत विभागले जनाएको छ । 

 आज रातिसम्म  देशभर आंशिक देखि सामान्य बदली रहनेछ। 

दिउँसो बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी भूभागका केही स्थानहरूमा  र बाँकी भू-भागका थोरै स्थानहरूमा चट्याङ्ग सहित हल्कादेखि मध्यम वर्षाको सम्भावना रहेको विभागले जनाएको छ ।

बिहीवार राति प्रदेश १ लगायत देशको पहाडी भूभागका थोरै स्थानहरूमा हल्कादेखि मध्यम वर्षाको सम्भावना रहेको विभागको भनाइ छ ।