देशभर मनसुनी वायुको प्रभाव, कहाँ–कहाँ आज वर्षाको सम्भावना ?

हाल देशभर मनसुनी वायुको सामान्य प्रभाव रहेको छ । जल तथा मौसम पूर्वानुमान महाशाखाका अनुसार शनिबार बिहान प्रदेश १, गण्डकी प्रदेश, बागमती प्रदेश, लुम्बिनी प्रदेश र कर्णाली प्रदेशमा आंशिकदेखि सामान्यतया बदली रहेको छ । ती प्रदेशका थोरै स्थानमा हल्का वर्षा भइरहेको महाशाखाको भनाइ छ । 

 यस्तै दिउँसो देशभरका पहाडी भूभागका केही स्थानहरुमा  र बाँकी भूभागका थोरै स्थानहरुमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहेको छ ।

यस्तै राति प्रदेश १, बागमती प्रदेश र  गण्डकी प्रदेशका थोरै र अन्य प्रदेशका एक दुई स्थानहरुमा हल्कादेखि मध्यम वर्षाको सम्भावना रहेको छ ।