भारतबाट गहुँ र चिनी आयात गर्न विशेष स्वीकृति चाहिने भएको छ । उद्योग, वाणिज्य तथा आपूर्ति मन्त्रालयले बिहीबार एक सूचना जारी गर्दै भारतबाट गहुँ र चिनी आयात गर्न चाहने उद्योगीलाई आवश्यक कागजात मन्त्रालयमा पठाउन आग्रह गरेको छ । 
हालै भारत सरकारले गहुँको निर्यातमा प्रतिबन्ध लगाएको तथा चिनी निर्यातको लागि विशेष स्वीकृति आवश्यक पर्ने भनि सूचना प्रकाशन गरेको थियो । नेपालको हकमा विशेष व्यवस्था भएकाले सोही अनुसार प्रक्रिया अघि बढाउन मन्त्रालयले आवश्यक कागजात उद्योगी व्यवसायीबाट मागेको हो ।