रुसी सेनाले चिनियाँ सेनासँग मिलेर अभ्यास गर्ने भएको छ । 

रुसमा हुने भोस्तोक अभ्यासमा भारत, बेलारुस, मंगोलिया, ताजिकिस्तान लगायतका मुलुकका सेना पनि सहभागी हुनेछन् । 

अगस्ट ३० देखि सेप्टेम्बर ५ सम्म यो अभ्यास गरिने मस्कोले घोषणा गरेको छ । 

रुससँगको द्विपक्षीय सहकार्यको एक हिस्साका रूपमा यी अभ्यासहरू भइरहेको चीनको रक्षा मन्त्रालयले जनाएको छ । वर्तमान विश्व परिस्थितिसँग यसको साइनो नरहेको उसले स्पष्ट पारेको छ । 

सहभागी मुलुकहरूका सेनाबीच रणनीतिक सहकार्यको स्तर बढाउनका लागि तथा विविध सुरक्षा जोखिमको सामना गर्नका लागि यो अभ्यास गर्न लागिएको जनाइएको छ ।