पूर्व प्रधानमन्त्री डा. बाबुराम भट्टराईले नयाँ समाजवादी धारको विकासमा लागेका हामी सबैलाई नेपाली कांग्रेसका नेता प्रदीप गिरिको निधनले ठूलो क्षति पुगेको बताएका छन् ।

सामाजिक सञ्जाल ट्विटरमा लेख्दै भट्टराईले ४५ वर्ष निरन्तर गिरिसँगको बौद्धिक विमर्शले ठूलो ऊर्जा प्रदान गरेको स्मरण गरे ।

भट्टराईले लेखेका छन्, ‘प्रखर समाजवादी चिन्तक तथा आत्मीय मित्र प्रदीप गिरिको निधनमा निःशब्द छु । २०३४ सालदेखि ४५ वर्ष निरन्तर उहाँसँगको गहन बौद्धिक विमर्शले मलाई ठूलो ऊर्जा प्रदान गर्ने गरेको थियो । नयाँ समाजवादी धारको विकासमा लागेका हामी सबैलाई उहाँको निधनले ठूलो क्षति पुगेको छ । हार्दिक श्रद्धाञ्जलि/समवेदना !’