प्रभु क्यापिटलले आफ्ना ग्राहकको लागि विशेष अफर ल्याएको छ । यही भदौ १ गते प्रभु क्यापिटल तथा ट्रान्क्युलिटी स्पाबीच सम्झौता भएको छ । यस अफरअन्र्तगत प्रभु क्यापिटलका हितग्राही ग्राहकले उक्त स्पाबाट सेवा लिँदा ३० प्रतिशत छूट पाउने छन् । 

यो योजनाबाट लाभ लिन हितग्राही ग्राहकले आफ्नो मोबाइलमा प्रभुम क्यापिटलको डिजिटल एक डाउनलोड गरी रजिष्टर गरेर आफ्नो डिम्याट खाता लिंक गर्नुपर्ने छ । हितग्राहीले बिल भुक्तानी गर्दा प्रभु क्यापिटलको मोबाइल एपमा डिम्याट खाता लिंक भएको देखाउनु पर्ने बताइएको छ ।

उक्त स्पा रजिष्ट्रार कार्यालय लाजिम्पाट, काठमाडौंमा अवस्थित छ । यो योजना आगामी वर्षको असार मसान्तसम्म लागू हुने सम्झौतामा उल्लेख छ । यो अफरको लाभ प्रभु क्यापिटलका हितग्राही ग्राहकले नेपालभरिका शाखाहरूबाट प्राप्त गर्न सक्ने बताइएको छ । 

यो अफर हालसम्म एप डाउनलोड गरिसकेका सम्पूर्ण हितग्राहीको हकमा समेत लागू हुने प्रभु क्यापिटलले जनाएको छ । 

नेपाली पूँजी बजारमा भिडियो केवाईसीमार्फत डिम्याट खाता खोल्ने सुविधा ल्याएको पहिलो तथा एकमात्र मर्चेन्ट बैंकर प्रभु क्यापिटल लिमिटेडले समयानुसारकोे प्रविधि अपनाउदै आफ्ना ग्राहकहरुलाई सेवा प्रदान गर्दै आएको छ ।