संयुक्त राष्ट्र संघको आह्वानमा शान्ति स्थापनाका लागि नेपाली सेनाको टोली मध्य अफ्रिकी गणतन्त्र (मिनुस्का)मा प्रस्थान गरेको छ । मध्य अफ्रिकी गणतन्त्र (मिनुस्का)मा संयुक्त राष्ट्र संघीय बहुआयामिक एकीकृत स्थिरता मिसनमा तैनाथ हुन जाने कालीजंग गणको पहिलो डफ्फाको एडभान्स टिम र सैनिक प्रहरी युनिट सातौ डफ्फालाई बदली गर्न जाने सैनिक प्रहरी युनिटका आठौं डफ्फा सोमवार मिसन इलाका प्रस्थान गरेको हो । 

प्रमुख सेनानी विजय बस्नेतको नेतृत्वमा ११६ जना नेपाली शान्ति सैनिक राष्ट्रसंघको चार्टर विमानमार्फत काठमाडौंबाट मिसन इलाकातर्फ प्रस्थान गरेको नेपाली सेनाले विज्ञप्तिमार्फत जानकारी दिएको छ । 

संयुक्त राष्ट्र संघको आह्वानमा शानित स्थापनार्थ नेपाली सेनाले विभिन्न मिसनहरूमा सहभागी भई द्वन्द्वग्रस्त मुलुकहरूमा शान्ति स्थापना कार्यमा महत्वपूर्ण योगदान गर्दै आएको छ ।