बालेनले शक्तिको दुरुपयोग गरेर चाडबाडको मुखमा व्यावसायीलाई मर्कामा परेको गुनासो काठमाडौं उद्योग वाणिज्य संघले गरेको छ । संघले काठमाडौंका मेयर बालेन्द्र साह (बालेन)ले शक्तिको दुरुपयोग गरेको आरोप लगाएको हो । 

संघका अध्यक्ष तथा नेपाल उद्योग वाणिज्य महासंघका उपाध्यक्ष दिनेश श्रेष्ठले महानगरले अवैध संरचना भत्काउने नाममा साना व्यवसायीलाई दुःख दिएको बताए । उनले भने ‘घरधनी र व्यापारीबीच सहमति भएर व्यवसायीले भाडा लिएका हुन्छ । व्यावसायीले गरेको लगानीलाई वेवास्ता गर्दै महानगरले घरधनीसँगको इगाे लिएको छ ।’ 

‘अहिले चाडबाडको मुखमा जननिर्वाचित मेयरले शक्तिको दुरुपयोग गरेर व्यावसायीको विचल्ली बनाइरहेका छन् । कर तिरेका व्यवसायीलाई आफ्नो सम्पतिको अधिकार किन दिइएन् ?’, उनले भने । 

नेपाल उद्योग वाणिज्य महासंघले यस विषयमा साझा धारणा बनाउने उनले जानकारी दिए । यही विषयमा काठमाडौं, उद्योग वाणिज्य संघको बैठक बस्दै छ ।