गणपुरक संख्या नपुगेपछि प्रतिनिधि सभाको बैठक १५ मिनेटका लागि स्थगित भएको छ ।

मंगलवार अपराह्न ४ बजेको समयमा सभामुख अग्निप्रसाद सापकोटाले केही नेपाल ऐन संशोधन गर्ने विधेयकमाथि संशोधनकर्तालाई प्रस्ताव फिर्ता लिन समय दिएको बेला अर्का सांसदले गणपुरक संख्या यकिन गर्न माग गरेका थिए । 

नेमकिपा सांसद प्रेम सुवालले गणपुरक संख्या माग गर्दा मात्र ५८ सांसद उपस्थित थिए । बैठकमा कुनै प्रस्ताव निर्णयार्थ पेश गर्दा एकचौथाइ सांसद उपस्थित हुनुपर्ने नियमावलीको व्यवस्था छ । गणपुरक संख्याका लागि ६९ सांसद आवश्यक पर्छन् ।

जनाउँ घण्टी बजाएर सांसदको संख्या यकिन गर्दा ५८ जना मात्र रहेको पाइएपछि प्रतिनिधि सभा बैठक १५ मिनेटका लागि स्थगित भएको छ । त्यसअघि बैठकमा कानून, न्याय तथा संसदीय मामिला मन्त्री गोविन्दप्रसाद शर्मा कोइरालाले प्रतिनिधि सभाको कार्यकाल लम्ब्याउने सम्बन्धमा सरकारले ल्याएको विधेयक फिर्ता गर्ने प्रतिबद्धता जनाएका छन् ।