नेपाली सेनाले विभिन्न पदमा ठूलो संख्यामा दरखास्त आह्वान गरेको छ ।

शुक्रवार सार्वजनिक सूचना जारी गर्दै सेनाले ४ हजार पद पूर्तिका लागि दरखास्त आह्वान गरेको हो । 

इच्छुक उम्मेदवारले भदौ २४ देखि आगामी असोज २३ गतेसम्म र दोब्‍बर दस्तुर बुझाएर भदौ ३० गतेसम्म कार्यालय समयभित्र दरखास्त दिन सक्नेछन् ।

दरखास्त फाराम सम्बन्धित भर्ना केन्द्रहरूबाट नै वितरण हुने बताइएको छ भने फारम पेश सोही स्थानमा नै गर्नुपर्ने छ ।

दर्खास्त फारम बुझाउँदा १ सय ५० रुपैयाँको दस्तुर तथा सोही विज्ञापनमा एकभन्दा बढी समूहमा दरखास्त दिएमा प्रत्येक समूहको लागि २० प्रतिशतका दरले थप दस्तुर लाग्ने बताइएको छ । 

सम्बन्धित भर्ना केन्द्रहरूले तोकेको बैंक खाता नम्बर, कार्यालय कोड र राजश्व शीर्षक नम्बर परीक्षा शुल्क खातामा जम्मा गरेर त्यसको सक्कल भौचर तथा प्रतिलिपी एक एक दरखास्त फारम साथ भर्ना केन्द्रमा पेश गर्नुपर्ने बताइएको छ । 

हेर्नुहोस् सूचना