प्रतिनिधि सभाको अन्तिम बैठकमा राजनीतिक दलका नेताहरूले बिदाइ सम्बोधन गर्ने भएका छन् । प्रधानमन्त्री एवं नेपाली कांग्रेसका सभापति शेरबहादुर देउवा, प्रमुख प्रतिपक्षी दलका नेता एमाले अध्यक्ष केपी ओलीले सम्बोधन गर्ने भएका हुन् । 

माओवादी अध्यक्ष पुष्पकमल दाहाल प्रचण्ड, नेकपा एसका अध्यक्ष माधव नेपाल, जसपा अध्यक्ष उपेन्द्र यादव, लोसपा अध्यक्ष महन्थ ठाकुरलगायतले सम्बोधन गर्ने तयारी रहेको संसद सचिवालयले जनाएको छ । प्रतिनिधि सभाको कार्यकाल शनिवार मध्यरातिबाट सकिँदैछ । 

त्यसअघि बैठकमा सभामुख अग्नि सापकोटाले अधिवेशन अन्त्यसम्बन्धी राष्ट्रपति कार्यालयको पत्र पढेर सुनाउने कार्यक्रम छ । प्रतिनिधि सभाको अन्तिम बैठक शनिवार दिउँसो शुरु भएको छ ।