नेकपा एमालेको सचिवालय बैठक शुरू भएको छ । प्रतिनिधि सभा र प्रदेश सभाको समानुपातिक निर्वाचन प्रणालीतर्फ उम्मेदवारको टुंगो लगाउन बैठक बसेको हो । 

केपी ओलीको निवास बालकोटमा जारी बैठकले प्रतिनिधि सभा र सात वटै प्रदेश सभातर्फको समानुपातिक उम्मेदवारहरूको टुंगो लगाउने बताइएको छ । एमालेले प्रदेश सभा निर्वाचन कमिटीबाटै उम्मेदवारको नाम सिफारिस गरेको छ । उम्मेदवारको नामावली जिल्ला हुँदै प्रदेश र केन्द्रीय कमिटीमा उम्मेदवारको नामावली सिफारिस गरिएको छ । सोही सिफारिसका आधारमा उम्मेदवारको अन्तिम नामावली सचिवालय बैठकले टुंगो लगाउने छ । 

निर्वाचन आयोगले आगामी मंसिर ४ गते हुने निर्वाचनका लागि समानुपातिकतर्फ उम्मेदवारको बन्दसूची पेश गर्ने समय आइतवार र सोमवार तोकेको छ । एमालेले आइतवार नै आयोगमा बन्दसूची बुझाउने तयारी गरेको एक नेताले जानकारी दिए ।