नेपाली कांग्रेसका महामन्त्री गगन थापाले पार्टीको शुद्धीकरणको लागि विद्रोह गर्नुपर्ने अवस्था आएको बताएका छन् ।

शुक्रवार काठमाडौंको निर्वाचन क्षेत्र नम्बर–४ मा आयोजित पार्टी प्रवेश कार्यक्रमलाई सम्बोधन गर्दै थापाले पार्टीको शुद्धीकरणको लागि संघर्षको आवश्यकता बोध हुन थालेको बताएका हुन । 

‘पार्टीभित्र ठूलो शुद्धीकरणको अभियान चलाउनुपर्ने बेला आएको छ । आफनै पार्टीभित्र विद्रोह गर्नुपर्ने बेला आएको छ । पार्टीलाई ठीक ठाउँमा पुर्‍याउनुपर्ने बेला आएको छ’, थापाले भने ।

अहिले राजनीतिक नेतृत्वको लागि चुनावदेखि चुनावसम्मको प्रणाली भएको बताउँदै त्यसमा सुधार गर्नुपर्ने मत उनले राखेका थिए । 

‘पार्टी त केवल सत्ताको हतियार मात्र हुने भयो । केको लागि पार्टी बनाएको भन्दा त चुनाव जित्न मात्रै भयो’, थापाले भने ।

आफू आगामी १० वर्षसम्म मात्रै राजनीतिमा सक्रिय रहने उनले बताए ।