पुस ३, २०८०
बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...
कात्तिक १६, २०७९
नेपाली कांग्रेसका सहमहामन्त्री महेन्द्र यादव धनुषाको ४ नम्बर निर्वाचन क्षेत्रमा प्रतिनिधिसभा सदस्यका लागि गठबन्धनबाट उम्मेदवार छन् ।
नेकपा एमालेका रघुवीर महासेठ र जनता समाजवादी पार्टी (जसपा) नेपालका महाजन यादवसँग उनको प्रतिस्पर्धा हुँदैछ ।
कांग्रेस उम्मेदवार यादवसँग लोकान्तरकर्मी अजयअनुरागीले उनकै गाउँ धनुषाको लक्ष्मीनियामा स्थलगत कुराकानी गरेका छन् । प्रस्तुत छ, कुराकानीको सम्पादित अंश ः
तपाईं चुनाव जित्ने मुख्य आधारहरू के–के छन् ?
– संघीय लोकतान्त्रिक गणतन्त्रात्मक व्यवस्था सहितको संविधानलाई थप बलियो बनाउनका लागि जनताले गठबन्धनलाई जिताउने छन् । जनताले संघर्ष गरेर ल्याएको संविधान तथा व्यवस्थालाई नेकपा एमाले र एमालेको नेतृत्वले भत्काउन खोजेको छ तर नेपाली जनताका साथै मैले पनि व्यवस्थाको रक्षा गर्न खोजेको छु, त्यो नै मेरो र गठबन्धनको जीतका लागि एउटा आधार हो ।
गत स्थानीय तह निर्वाचनमा गठबन्धनले मेरो संसदीय क्षेत्रमा ४५ हजार मत पाएको छ । एमालेले २२ हजार र जसपाले ४ हजार मत पाएको छ । त्यसकारण २ गुणाभन्दा बढी मत जनताले दिइसकेका कारण स्थानीय चुनावको मतभार पनि मेरो जित्ने दोस्रो आधार हो ।
प्रदेश सभामा जसपाका प्रभावशाली नेता शेषनारायाण यादव कांग्रेसबाट उम्मेदवार बन्नुभएको छ । ठूलो प्रभाव रहेको नेकपा एकीकृत समाजवादीका शत्रुघन महतो पनि गठबन्धनबाट उम्मेदवार हुनहुन्छ । गठबन्धन आफैंमा पनि जीतको तेस्रो आधार हो ।
मेरो क्षेत्रमा विकासको जे जति जग बसेको छ, त्यो नेपाली कांग्रेसको सरकारकै समयमा भएको हुनाले पनि विकास पनि चौथो आधार हो । थप विकाससहित कृषकलाई निःशुल्क बिजुलीको मिटर जडान गर्न तथा कृषि, सिँचाइमा लाग्ने विद्युतीय शुल्क मिनाहा गराउने मेरो एजेण्डा हो । त्यसबाहेक हाम्रो सरकार बने रासायनिक मल, बीउबिजन आदिमा अनुदान दिनेछौं ।
मधेशको ठूलो समस्याको रूपमा रहेको नागरिकताको विषयलाई पनि हामीले सम्बोधन गर्नेछौं । धेरै नागरिकताविहीन युवाहरू रोजगारीबाट वञ्चित मात्र हुनुपरेको छैन, मोबाइल समेत चलाउन पाएका छैनन् । बैंकमा खाता समेत सञ्चालन गर्न पाएका छैनन् । एमालेले रोकिरहेको छ तर ती सबै समस्या समाधान गर्नेछौं ।
गत चुनावमा २ जना यादव उम्मेदवारमा मत विभाजन हुँदा वैश्य उम्मेदवारको सहज जीत भएको थियो । सोही आधारमा यसपटक पनि नतिजा आउने कतिपयको आकलन छ । यसलाई कसरी लिनुभएको छ ?
– गत चुनावमा म, महाजन यादव र रघुवीर महासेठबीच प्रतिस्पर्धा भएको थियो । फेरि हामी तिनै जना चुनावमा होमिएका छौं तर यसपटक अवस्था फेरिएको छ । जसपाबाट महाजन यादव र एमालेबाट महासेठजी उठ्नुभएको छ । मधेशसहित देशभर एमाले र जसपाबीच गठबन्धन छ तर मेरो संसदीय क्षेत्रमा भने एमाले र जसपाबीच प्रतिस्पर्धा छ । यसरी तालमेल नहुँदा जसपा र एमालेका उम्मेदवारलाई नै धक्का लागेको छ । मलाई त्यसले कुनै असर गरेको छैन । ती दुवै जनाले एकअर्काकै मत काटिरहेका छन्, मेरो भोटमा कुनै असर गरेको छैन ।
महाजनजीले आफ्नो भोट आफैंमा सीमित गरेर राख्नुभयो भने त्यसले महासेठजीलाई नै क्षति पुग्छ, कांग्रेसलाई कुनै क्षति छैन ।
नेपाली कांग्रेसमा अन्तर्घात नै ठूलो चुनौती देखिन्छ । मधेशकै प्रभावशाली नेता बिमलेन्द्र निधिसँग तपाईंको खटपट हुँदै आएको छ । यसपटक पनि पूर्व राष्ट्रपति डा. रामवरण यादवका छोरा तथा पूर्व सांसद डा. चन्द्रमोहन यादव असन्तुष्ट देखिनुभएको छ । उहाँले समानुपातिक तर्फको आफ्नो नाम पनि फिर्ता नै लिनुभयो । जिल्ला सभापति योगी पंजियारसँग पनि विगतमा तपाईंको राम्रो सम्बन्ध थिएन । तपाईंकै क्षेत्रका नेताले सहयोग नगरे तपाईंलाई धेरै असर गर्छ नि !
– विमलजी हाम्रो पार्टीको नेता नै हो । उहाँ मेरो पनि नेता नै हुनुहुन्छ । पार्टीको महाधिवेशनमा उहाँ सभापति पदमा लड्दा अलिकति सम्बन्धमा खटपट भएकै थियो तर अहिले उहाँलाई समानुपातिकतर्फ मधेशी कोटामा १ नम्बरमै उहाँको नाम राख्न लगाउनमा मेरो ठूलो भूमिका छ । त्यसकारण उहाँले मलाई नै सहयोग गर्नुहुन्छ । बाहिर जे जति हल्ला गरिए पनि उहाँ पार्टी र मेरोविरुद्ध जानुहुन्न । मसहित पार्टीलाई जिताउन उहाँलाई जे जति बल लगाउनुपर्छ, सबै गर्नुहुन्छ । उहाँले मलाई जिताउन आफ्नो सारा शक्ति नै लगाइरहनुभएको छ ।
चन्द्रमोहन डाक्टर सा’प त मेरो पारिवारिक मान्छे नै हो । उहाँ पार्टीको केन्द्रीय सदस्य पनि हो । उहाँ मेरो चुनाव प्रचारप्रसारमा खटिरहनुभएको छ । एकजुट भएर कांग्रेसका उम्मेदवारलाई जिताउनका लागि सबै कार्यकर्तालाई सन्देश समेत दिइरहनुभएको छ ।
जोगी पंजियारजी त मेरो चुनावको कमाण्डर नै हो । स्थानीय चुनावमा एमालेका नेता रघुवीर महासेठले महेन्द्रनगरमा बसेर, क्याम्पेन गरेर उहाँलाई हराएका थिए । त्यसकारण एमाले उम्मेदवारलाई जिताउन उहाँ लाग्ने कुरै हुँदैन । म आफैं जित्न जति लागेको छु, त्योभन्दा बढी नै पंजियारजी लाग्नुभएको छ । उम्मेदवारी मनोनयनकै दिनमा एमालेभन्दा दोब्बर मानिसको र्याली निस्किएको थियो । त्यो सबै पंजियारजीले नै व्यवस्थापन गर्नुभएको थियो । नेपाली कांग्रेस अहिले एकजुट भएर लागेका छौं ।
नेपाली कांग्रेसमा तपाईंकै गुटबाट जिल्ला सभापतिमा लड्नुभएका सन्तोष यादव अन्ततः एमाले प्रवेश गरी एमालेबाट प्रदेशसभा उम्मेदवार बन्नुभएको छ । त्यसकारण तपाईंलाई धेरै ठूलो चुनौती थपिएको मात्र होइन, कांग्रेसकै मत एमालेमा जाने आकलन गरिएको छ । यसलाई कसरी हेर्नुभएको छ ?
– सन्तोष यादव मात्र एमालेमा जानुभएको छ । सन्तोषजीका साथ कांग्रेसका १ जना पनि कार्यकर्ता एमालेमा गएनन् । मुस्किलले ५ प्रतिशत पनि कांग्रेसलाई असर गर्नुभएको छैन तर जसपाका प्रभावशाली नेता शेषनारायण यादवजी कांग्रेसमा आएर उम्मेदवार बनेपछि त्यसले जसपालाई ठूलै धक्का लागेको छ ।
उहाँकै साथमा जसपाका सयौं नेताहरू आउनुभएको छ । जिल्ला समिति, नगर समिति, प्रदेश समिति, वडा कमिटी, निर्वाचित वडाध्यक्षसहित धेरै नेताहरू शेषनारायण जीसँगै कांग्रेसमा आउनुभएको छ । यस क्षेत्रका ७० प्रतिशत जति जसपाका नेता तथा कार्यकर्ताहरू उहाँसँगै कांग्रेसमा प्रवेश गरेका कारण सन्तोषजीको बदलामा कैयौ गुणा बढी फाइदा कांग्रेसलाई भएको छ । सन्तोषजीले कांग्रेसलाई ५ प्रतिशत क्षति गर्नुभएको छ भने शेषनारायणजी आउँदा ७० प्रतिशत फाइदा भएको हुनाले ६५ प्रतिशत नाफामै छौं ।
जनकपुर शहर, महेन्द्रनगर आदिमा वैश्य समुदायको बाहुल्यता छ । ती सबै मत महासेठजीमा जाने सम्भावना देखिएको छ । यादवको मत विभाजन हुने र वैश्यको मत महासेठजीमा जाने भएपछि महासेठजीको जीत सहज हुने विश्लेष्ण गरिएको छ । यसलाई कसरी व्यवस्थापन गर्नुहुन्छ ?
– वैश्य समुदायले पनि उहाँलाई मत दिँदैन । मत लिएर गएपछि हाम्रो काम गर्दैन, कुनै पनि सुरक्षा दिँदैन भन्ने कुरा अब वैश्य समुदायले बुझिसकेका छन् । वैश्य समुदायकै वरिष्ठ नेतादेखि मानिसहरू कांग्रेसको साथमा छन् । जातीयताका कारण वैश्य समुदायको भोट पाउने भन्ने उहाँको सोच दिवास्वप्न मात्र हो ।
अधिकांश वैश्य समुदायका मानिसहरू व्यापार, व्यवसाय गर्छन् । उहाँहरू जहिले पनि सरकारसँग जोडिन चाहनुहुन्छ । व्यापार व्यवसायको सुरक्षा खोज्नुहुन्छ । मंसिर ४ गतेपछि एमालेको पत्तासाफ हुँदैछ । गठबन्धनको सरकार बन्दैछ । त्यसकारण वैश्य समुदायले पनि कांग्रेससहित गठबन्धनलाई नै मत दिनुहुन्छ ।
महासेठजीले चुनाव जितेर क्षेत्रमा सयौं पुल, क्षेत्रका सम्पूर्ण सडकलाई पक्की सडक बनाएर क्षेत्रमा गरेको विकासकै कारण आफूले सहज जीत हात पार्ने दाबी गरिरहनुभएको छ । विकासकै कारण उहाँले जित्ने लगभग पक्का जस्तै छ नि होइन ?
– महासेठजीले सयौं पुल, सयौं सडक बनाएको भनेर झूटो कुरा गरिरहनुभएको छ । उहाँले नेपालभन्दा बाहिर भारतमा बनाउनुभएको हो कि !
म आफ्नो क्षेत्रमा खोजिरहेको छु उहाँले बनाउनुभएको सडक वा पुल, कतै पनि भेटेको छैन मैले । कांग्रेसको पालामा जे जति सडक, पुल बनेका छन्, ती सबैलाई मैले नै बनाएको भनेर झूटो कुरा बोलेर जनतालाई भ्रमित गरिरहनुभएको छ । विमलेन्द्र निधिजीले बनाउनुभएको ढल्केवर–जटही सिक्स लेन सडकलाई पनि उहाँले नै बनाएको भनेर दाबी गरिरहनुभएको छ ।
यसले पनि उहाँले जनतालाई कसरी भ्रममा पारिरहनुभएको छ भन्ने कुरा प्रस्ट हुन्छ ।
उहाँले आफ्नो व्यक्तिगत विकास गर्नुभएको छ । श्रीमान्–श्रीमती पालैपालो सांसद र मन्त्री बनेर अर्बौं रुपैयाँ आर्जन गर्नुभएको छ । क्षेत्रमा केही विकास गर्न सक्नुभएन तर आफ्नो आर्थिक समृद्धिमा अप्रत्यासित फड्को भने लगाउन सफल हुनुभएको छ ।
बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...
बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...
प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...
संघीय संसद्को बजेट अधिवेशन प्रारम्भ भई संवैधानिक प्रबन्धअनुसार दुवै सदनको संयुक्त बैठकमा यही जेठ १५ गते नेपाल सरकारका अर्थमन्त्रीबाट आर्थिक वर्ष २०८०/८१ को वार्षिक आय–व्यय (बजेट) प्रस्तुत भइसकेको छ । ...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...