निर्वाचन कार्यक्रमअन्तर्गत नुवाकोटमा मतदान केन्द्रमा खटाइने कर्मचारी छनोटको काम सम्पन्न भएको छ । 

जिल्ला प्रशासन कार्यालयको समन्वयमा सङ्कलन गरिएको सरकारी कर्मचारी कुन केन्द्रमा को भन्ने छनोटको काम सम्पन्न भएको निर्वाचन अधिकृत  टेकराज भुसालले जानकारी दिए ।उनका अनुसार छनोट गरिएका ती कर्मचारीको विवरण रुजु गरेर एक–दुई दिनभित्रै सार्वजनिक गरिने छ । “निर्वाचनका लागि मतदान अधिकृत, सहायक मतदान अधिकृतसहित सहायक र सहयोगी कर्मचारी निर्वाचन अधिकृतको कार्यालयले खटाउने छ”, उनले भने, “मतदान केन्द्रका लागि आवश्यकतानुसार स्वंयसेवक कर्मचारी भने मतदान अधिकृतले नै नियुक्त गर्न सक्नेछन् ।”

जिल्लाका दुईवटै निर्वाचन क्षेत्रमा दुई लाख ३९ हजार सात सय २६ मतदाता कायम छन् । निर्वाचनका लागि जिल्लाभरमा एक सय ३२ मतदानस्थलमा दुई सय ८८ मतदान केन्द्र कायम गरिएको जिल्ला निर्वाचन अधिकारी जयप्रसाद गौतमले जानकारी दिए ।