सुर्खेतको १ नम्बर निर्वाचन क्षेत्रमा नेपाली कांग्रेसका उम्मेदवार पूर्णबहादर खड्काले अग्रता लिएका छन् ।

मंगलवार रातिदेखि शुरू भएको मतगणनामा खड्काले २ हजार ३२० र उनका निकटतम प्रतिस्पर्धी एमालेका ध्रुवकुमार शाहीले १ हजार ७८३ मत प्राप्त गरेका छन् ।

कांग्रेसका केन्द्रीय उपसभापति खड्का सत्ता गठबन्धनका साझा उम्मेदवार हुन् । सुर्खेत–१ को प्रदेशसभा १ र २ मा गठबन्धनकै उम्मेदवारले अग्रता लिएका छन् ।

प्रदेशसभा क्षेत्र १ मा गठबन्धनको तर्फबाट कांग्रेसका खड्गबहादुर पोखरेल र २ मा माओवादी केन्द्रका कृष्ण जिसी छन् । पोखरेलसँग एमालेका ठम्मर विष्ट र जिसीसँग डण्डीप्रसाद शर्मा मुख्य प्रतिस्पर्धामा छन् ।