नुवाकोटको प्रदेशसभा निर्वाचन क्षेत्र १(१) मा नेकपा माओवादी केन्द्रकी उम्मेदवार राधिका तामाङ निर्वाचित भएकी छन् ।

शनिवार बिहान सम्पन्न मतगणनाको नतिजाअनुसार तामाङ १६ हजार १६९ मत ल्याएर विजयी भइन् । उनका निकटतम प्रतिस्पर्धी नेकपा एमालेका उम्मेदवार सुशीलकुमार खड्काले ११ हजार ३५० मत ल्याएका निर्वाचन अधिकृत टेकराज भुसालले जानकारी दिए ।

यसअघि सोही प्रदेश सभाबाट निर्वाचित भएका तामाङले यस पटकको चुनावमा एमालेका उम्मेदवार खड्काभन्दा ४ हजार ८१९ मतान्तरले विजयी भएका हुन् ।

निर्वाचन क्षेत्रमा राष्ट्रिय प्रजातन्त्र पार्टीका उम्मेदवार रामु पण्डितले १ हजार ५०९, नेकपा एकीकृत समाजवादीका राजेश थापाले २८२, मंगोल नेसनल अर्गनाइजेसनका कर्म तामाङले १८५, जनसमाजवादी पार्टीका शेरबहादुर विश्वकर्माले १६७ र नेपाल मजदुर किसान पार्टीका काशीलाल डङ्गोलले १०३ मत प्राप्त गरेका छन् ।

मंसिर ४ गते सम्पन्न भएको निर्वाचनमा खसेको कूल ३१ हजार १०७ मतगणना हँुदा २९ हजार ७६५ मत सदर भएको सहायक निर्वाचन अधिकृत प्रयास भट्टराईले जानकारी दिए ।