धनुषाको मिथिला विहारी नगरपालिका ४ बाट हत्या अभियोगमा दुई जना पक्राउ परेका छन् । प्रहरीले मिथिला बिहारी ४ का ४१ वर्षीय लालबाबु यादव र ३१ वर्षीय सुरेश यादवलाई पक्राउ गरेको हो । 

सोही नगरपालिका ४ रमौलस्थित जग्गाको विषयमा हिजो (बिहीवार) वादविवाद हुँदा उनीहरूले ५३ वर्षका प्रभु यादवलाई कुटपिट गरी घाइते बनाएका थिए । उनको उपचारको लागि प्रादेशिक अस्पताल जनकपुरमा लैजाने क्रममा मृत्यु भएको थियो । त्यसक्रममा अन्य तीन जना पनि घाइते भएको प्रहरीले जनाएको छ । 

उक्त घटनापछि घटनामा संलग्न दुवै जनालाई पक्राउ गरिएको प्रहरीले जानकारी दिएको छ । उनीहरूविरुद्ध कर्तव्य ज्यान मुद्दा दर्ता गरी अनुसन्धान अगाडि बढाइएको जिल्ला प्रहरी कार्यालय धनुषाले जानकारी दिएको छ ।