नेपाली कांग्रेसका वरिष्ठ नेता रामचन्द्र पौडेलले सभापति शेरबहादुर देउवालाई बधाई दिएका छन् । कांग्रेस संसदीय दलको नेतामा निर्वाचित भएकापछि पौडेलले देउवालाई बधाई दिएका हुन् । 

देउवा बुधवार भएको निर्वाचनबाट संसदीय दलको नेतामा निर्वाचित भएका थिए । महामन्त्री गगन थापालाई पराजित गर्दै उनी निर्वाचित भएका हुन् । कूल ८९ मतमध्ये देउवाले ६४ र गगनले २५ मत प्राप्त गरेका थिए । 

देउवा पौडेलकै प्रस्तावमा संसदीय दलका नेताको उम्मेदवार बनेका थिए । यसअघि कांग्रेसको १३औँ महाधिवेशनमा कांग्रेसको सभापति पदका लागि प्रतिष्पर्धा गरेका देउवा र पौडेल १४औँ महाधिवेशनबाटै एकठाउँमा उभिएका हुन् । १४ औँ महाधिवेशनमा भने देउवासँग डा. शेखर कोइरालाले सभापति पदमा प्रतिष्पर्धा गरेका थिए ।