आफूलाई सत्ता वा प्रतिपक्षमा बस्न अप्ठ्यारो लागेको भन्दै एक स्वतन्त्र सांसदले प्रतिनिधि सभाको बैठकमा तटस्थ रहेको प्लेकार्ड प्रदर्शन गरेका छन् ।

प्रतिनिधि सभाको पहिलो बैठकमा सम्बोधनका लागि संसदको रोष्टममा उभिएका स्वतन्त्र सांसद योगेन्द्र मण्डलले संसदमा प्लेकार्ड प्रदर्शन गरेका हुन् । 

‘संसद नियमावलीले मेरो मौलिक हक खोसिएको जस्तो लागेको छ । सदनमा सत्तापक्ष र प्रतिपक्षमा कता बस्ने ? सत्तापक्षमा बसौं भोलि सरकारले नराम्रो गरे कसरी विरोध गर्ने ? प्रतिपक्षमा बस्दा सत्तापक्षले राम्रो काम गरे कसरी बस्ने ?’ मण्डलले भने ।

मण्डलले आफू सत्ता र पतिपक्षमा नभई तटस्थ बस्ने भन्दै प्लेकार्ड देखाउनुपरेको बताए । 

मोरङ–५ बाट स्वतन्त्र चुनाव जितेका मण्डलले जनतालाई प्रत्यक्ष लाभ दिने क्षेत्रमा काम गर्न प्रधानमन्त्रीलाई सुझाव दिए ।