राजेन्द्र लिङदेनले सांसदहरुलाई दिए चुले निम्तो !

राप्रपा अध्यक्ष राजेन्द्र लिङदेनले संसदको रोष्टमबाट सांसदहरूलाई चियापानको चुले निम्तो दिएका छन् । प्रधानमन्त्री पुष्पकमल दाहाल 'प्रचण्ड'ले मागेको विश्वासको मतको प्रस्तावमाथि छलफलमा क्रममा लिङ्देनले राष्ट्रिय एकता दिवसको चियापानको निम्तो दिएका हुन् । 

‘राप्रपाको तर्फबाट सबै माननीय सदस्यलाई भोलि भकृकुटीमण्डमा चियापान छ, चुले निम्तो !’ लिङदेनले भने । पृथ्वी जयन्तीको अवसरमा राप्रपाले बुधबार भृकुटीमण्डपमा चियापान कार्यक्रम आयोजना गरेको छ । भोलि बिदा दिने सरकारी निर्णयप्रति उनले संसदबाट धन्यवाद पनि दिए।