बागमती प्रदेशमा मुख्यमन्त्री शालिकराम जमकट्टेलले विश्वासको मत प्राप्त गरेका छन् ।

कूल ११० सदस्यीय प्रदेश सभामा विश्वासको मतको प्रस्तावको पक्षमा उनले १०५ मत प्राप्त गरेका छन् ।

विश्वासको मतको पक्षमा नेपाली कांग्रेसले समेत मतदान गरेको थियो । 

मंगलवार अपराह्न बसेको प्रदेशसभा बैठकमा नेपाल मजदुर किसान पार्टी (नेमकिपा) का ३ सदस्यले विपक्षमा मतदान गरेका थिए । मतदानमा १०९ सदस्यले भाग लिएका थिए । नेपाली कांग्रेस प्रदेश संसदीय दलको बैठकले मुख्यमन्त्री जम्मकट्टेललाई विश्वासको मत प्रदान गर्ने निर्णय गरेको संसदीय दलका नेता बहादुरसिंह लामाले बताए ।

मुख्यमन्त्री जम्मकट्टेललाई नेपाली कांग्रेस, नेकपा एमाले, नेकपा माओवादी केन्द्र, राष्ट्रिय प्रजातन्त्र पार्टी (राप्रपा), नेकपा एकीकृत समाजवादी र हाम्रो नेपाली पार्टी गरी ६ दलका सदस्यले मत दिएका थिए ।

प्रदेशसभाको बैठक अर्को सूचना जारी नभएसम्मका लागि स्थगित भएको छ ।