पोखरामा भएको यती एयरलाइन्सको विमान दुर्घटनामा मारिएका भारतको उत्तर प्रदेशका ४ जना भारतीय नागरिकका परिवारलाई ८/८ लाख रुपैयाँ राहत सहयोग दिने घोषणा गरिएको छ ।

उत्तर प्रदेशका मुख्यमन्त्री योगी आदित्यनाथले मृतकका परिवारलाई राहत दिने घोषणा गरेका हुन् ।

समाचार एजेन्सी पीटीआईका अनुसार मुख्यमन्त्री आदित्यनाथले विमान दुर्घटनामा मारिएका गाजीपुरका ४ युवकका परिवारलाई सहयोग दिने घोषणा गरेका हुन् ।

विमानमा ७२ जना सवार थिए । जसमध्ये ५ जना भारतीय रहेका थिए । भारतीयमध्ये उत्तर प्रदेशका ४ जनाका परिवारले प्रदेश सरकारबाट राहत पाउने भएका छन् ।