कात्तिक १८, २०८०
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
नेपाली सेनाका सहायक रथी (जर्नेल) प्रेम शाही सैनिक हिरासतमा छन् ।
अवकाश थमाइएका जर्नेल शाहीलाई सेनाले आर्थिक अनियमितताको आरोपमा छानबिनका लागि भन्दै २० दिनदेखि नियन्त्रणमा राखेको हो ।
अहिले आम चासो छ, ‘सैनिक हिरासतमा रहेका उनको अवस्था कस्तो छ ?
नेपाली सेनका प्रवक्ता सहायक रथी कृष्ण भण्डारी उनीमाथि छानबिन भइरहेको बताउँछन् ।
‘उहाँ (शाही) माथि छानबिन भइरहेको छ । छानबिन नसकिएकाले उहाँ हाम्रो नियन्त्रणमै हुनुहुन्छ,’ प्रवक्ता भण्डारीले भने ।
छानबिनकै क्रममा रहेकाले अहिले शाहीले आफ्नो कानूनी बचाउ गर्न पाएका छैनन् । छानबिन सकिएर मुद्दा प्रक्रियामा जाँदा कानून व्यवसायी राख्न पाउने प्रवक्ता भण्डारी बताउँछन् ।
‘अहिले छानबिनमा भएकाले कानून व्यवसायी राख्न पाउनुहुन्न, तर पछि भने सैनिक ऐनले पनि कानून व्यवसायी राख्न पाउने अधिकार दिएको छ,’ सहायक रथी भण्डारीले लोकान्तरसँग भने ।
तर, सामान्य प्रचलनमा भने सेनामा ‘कोर्ट अफ इन्क्वायरी’मा परेका कर्मचारीले कानून व्यवसायी राख्न पाउने गरेका छैनन् ।
पुस २० मा अवकाशमा जान लागेका शाहीले पुस ७ मा मात्र सर्वोच्चमा आफ्नो जन्ममिति २०२३ पुस २२ लाई कायम गर्न माग गर्दै रिट दायर गरेका थिए ।
सर्वोच्चका न्यायाधीश हरिप्रसाद फुयाँलको एकल इजलासले उनलाई तत्काल अवकाश नदिन अन्तरिम आदेश जारी गरेको थियो । मुद्दाको अन्तिम फैसलामा पनि सोही आधारमा आएमा उनले थप १ वर्ष जागिर खान पाउने थिए ।
सर्वोच्चको आदेशसहितको पत्र लिएर जङ्गी अड्डा पुगेका शाहीलाई सेनाले नियन्त्रणमा लिएको थियो । उजुरी परेकाले छानबिनका लागि नियन्त्रणमा लिइएको सेनाले जनाएको थियो ।
सेनाले आफ्नो अभिलेखमा २०२२ पुस २० गते जन्म मिति उल्लेख रहेको भन्दै जर्नेल शाहीलाई अवकाशको पत्र थमाएको थियो । सोही पत्रविरुद्ध शाही सर्वोच्च गएका थिए ।
शाहीलाई फौजमा शक्तिको दुरुपयोग गरेर आफ्नाविरोधी सैन्य अधिकारीहरूप्रति पूर्वाग्रह राखेको आरोप समेत सेनाले लगाएको छ ।
अनुसन्धानका लागि भन्दै सेनाले पुस २१ मा बूढानीलकण्ठ नगरपालिका– २, भंगालमा रहको शाहीको घरमा छापा समेत मारेको थियो ।
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...