भारतकी वित्तमन्त्री निर्मला सितारमणले बुधवार संसदमा बजेट भाषण गरेकी छन् ।

बजेटअनुसार खेलौना, साइकल र अटोमोबाइल्समा कर कटौती गरिएको छ, जसले गर्दा यी सामान सस्तो हुनेछन् ।

विद्युतीय सवारीसाधनको करमा पनि कटौती गरिएको भारतीय सञ्चारमाध्यमले जनाएका छन् । मोबाइल र क्यामेराको लेन्स समेत सस्तो हुनेछन् ।

विदेशबाट आउने चाँदीका वस्तु र चुरोट महंगो हुने जनाइएको छ ।

बजेटअनुसार भारतमा महिलाले ३ लाख रकम बचत गर्दा ७.५% व्याज पाइने भएको छ । मन्त्री निर्मलाले आयकरमा पनि छुट गरेकी छन् । आयकरको सीमा ८ लाखबाट बढाएर ११ लाख पुर्‍याइएको छ । अब वार्षिक ११ लाख रुपैयाँ कमाउनेले आयकर तिर्नुपर्ने छैन ।