जनकपुरधाम हुँदै लगिने कालिगण्डकी नदीको शिला हस्तान्तरण गरिएको छ। 

नेपाली कांग्रेसका नेता विमलेन्द्र निधि र जानकी मन्दिरका महन्थहरूले आज उक्त शिला रामभूमि भारतको अयोध्या तीर्थ क्षेत्रका महासचिव चम्पत रायलाई हस्तान्तरण गरेका हुन्। 

त्यस अवसरमा निधिसँगै जानकी मन्दिरका महन्थ राम तपेश्वर दास वैष्णव उत्तराधिकारी महन्थ राम रोशन दास वैष्णवलगायत उपस्थित थिए। 

शालिग्राम शिला पाइने विश्वकै एक मात्र नदी कालीगण्डकीबाट गएको बुधबार ११ गते निकालेर गलेश्वरधाम परिसरमा लगिएको सो शिला मन्दिरमा रुद्राभिशेकसहित विशेष पूजा गरी जनकपुर ल्याइएको थियो। 

अयोध्याका लागि बिदाइ गरिएको उक्त शिला केही दिनअघि जनकपुर ल्याइएको थियो। 

बेनी नगर प्रमुख सुरत केसीले शिलाको पूजा आराधना गरी जनकपुर मन्दिरका पीठाधीश रामतपश्वेर दासलाई शिला हस्तान्तरण गरेपछि बाजागाजा र ¥यालीसहित बेनी बजार परिक्रमा गराई जनकपुरतर्फ ल्याइएको थियो।