होलीलक्षित ट्राफिक प्रहरीको सुरक्षा - उपत्यकाका ३६ ठाउँमा चेकिङ

होलीलाई लक्षित गरेर काठमाडौं उपत्यका ट्राफिक प्रहरीले ३६ ठाउँमा ‘होली विषेश’ चेकिङ राखेको छ ।

उपत्यकाका विभिन्न ठाउँमा होली मनाउने ठाउँहरूलाई लक्षित चेकिङ राखेको ट्राफिक प्रहरीले जनाएको छ ।

आज मादक पदार्थ सेवन गरेर सवारी साधन चलाउने, लागूऔषध प्रयोग गरेर सवारी चलाउने र ३ जना राखेर हिँड्नेलाई लक्षित गरेको हो ।

प्रहरीले मोटरसाइकलमा 'मोबाइल ट्राफिक प्रहरी'हरू पनि खटाएको छ ।

आज बिहानैदेखि ट्राफिक प्रहरीले चेकिङमा कडाइ गरिरहेको छ। 

काठमाडौं उपत्यकाका थापाथली, त्रिपुरेश्वर, न्युरोड, कान्तीपथ, दरबारमार्ग, भद्रकाली र बग्गीखानालगायत स्थानमा प्रहरीले विशेष चेकजाँच गरिरहेको छ।

नेपाल प्रहरीले होलीलाई सुव्यवस्थित बनाउन सबैले सतर्कसाथ होली खेल्न आग्रह गरेको छ ।

साथै प्रहरीले सम्भावित दुर्घटना हुन नदिन घरको छतलगायत जोखिमपूर्ण स्थानमा बसेर होली नखेल्न आग्रह गरेको छ ।