१४ वर्षपछि भएको स्ववियुको चुनावमा एमालेको विद्यार्थी संगठन अनेरास्ववियुले जीतको खाता खोलेको छ ।

अनेरास्ववियुले नेविसंघका प्रतिस्पर्धीलाई पराजित गर्दै क्याम्पसको सभापतिमा जीत निकालेको हो ।

स्याङ्जास्थित सिद्धार्थ बहुमुखी क्याम्पसको सभापतिमा अनेरास्ववियुका सन्जोग थापा निर्वाचित भएका हुन् । थापा ५१ मत ल्याएर निर्वाचित हुँदा नेविसंघका विजय अधिकारीले ४० मत पाए । 

सचिवमा कुसुम ढकाल विजयी भएकी छन् ।

सदस्यहरूमा कविता गुरुङ र अमिशा सुनार विजयी भए । 

लामो समयपछि आज देशभरका विभिन्न क्याम्पसमा स्ववियु चुनाव भइरहेको छ । तर काठमाडौंका ७ वटा ठूला आंगिक क्याम्पसमा चुनाव हुन सकेन ।