प्रहरीको काठमाडौंको न्युरोडबाट स्रोत नखुलेको १२ लाख रुपैयाँसहित एक जनालाई हिजो बुधबार पक्राउ गरेको छ।

महानगरीय प्रहरी वृत्त जनसेवाको टोलीले काठमाडौं महानगरपालिका - २४ इन्द्रचोकबाट स्रोत नखुलेको नगद १२ लाख रुपैयाँसहित एक जना पक्राउ गरेको हो।

पक्राउ पर्नेमा तनहुँको भानु नगरपालिका–६ घर भई हाल काठमाडौं टोखा नगरपालिका-३ बस्ने ४१ वर्षीय सञ्जय खनाल रहेका छन्।

खनाललाई प्रहरीले बुधबार दिउँसो पक्राउ गरेको हो।

पक्राउ परेका खनालबारे अनुसन्धान जारी रहेको र अनुसन्धानपछि राजश्व अनुुसन्धान विभागमा आवश्यक कारबाहीका लागी पठाइने प्रहरी वृत्त जनसेवाका प्रमुख डीएसपी भेषराज रिजालले बताए।

प्रहरीले न्युरोड क्षेत्रमा हुने अवैध हुन्डीको कारोबार, अवैध सुनको कारोबार तथा चोरी डकैतीका घटना नियन्त्रण गर्न विशेष रूपमा खटिएको छ।