नेपाली कांग्रेसका नेता डा शेखर कोइरालाले आफ्नो राजनीतिको लक्ष्य नै राज्यका हरेक निकायमा युवा प्रतिनिधित्व गराउनु रहेको बताएका छन्। 

'अहिलेको मेरो राजनीतिक लडाइँ नै युवाको भविष्यका लागि हो। अरू मेरो कुनै स्वार्थ छैन,'कोइरालाले भने।

नेपाल जेसिसले काठमाडौँमा आयोजना गरेको 'नेशनल काउन्सुलर एकेडेमी -२०२३ को उदघाटन समारोहलाई सम्बोधन गर्दै उनले राजनीतिक स्थिरता र अवसरको अभावले युवा शक्ति विदेश पलायन भइरहेको समेत बताए।

कोइरालाले युवा शक्ति पलायन हुँदा देश विकासमा कठिनाइ भएको दुखेसो समेत पोखे।