कोशी प्रदेशको नामकरणको विरोधमा लगातार पदर्शन गर्दै आइरहेको प्रदेश पुनः नामांकन संयुक्त संघर्ष समितिले विराटनगरमा पुनः आन्दोलन थालेको छ। 

उनीहरूले नाराबाजीसहित जुत्ता प्रहार गर्न थालेका हुन्। 

विराटनगरको बिग होटेलमा ​सांसदहरूको दिगो विकास लक्ष्य प्राप्तिका लागि स्रोत व्यवस्थापनसम्बन्धी अन्तरक्रियात्मक कार्यशालामा सहभागी हुन सांसदहरू पुगेका छन्। 

कार्यक्रम शुरू भएको छ। संघर्ष समितिका कार्यकर्ताहरू त्यही होटेल घेराउ गर्न पुगेका हुन्।

उक्त होटलअगाडि मुठभेडको स्थिति सिर्जना हुन नदिन यतिबेला कडा सुरक्षा व्यवस्था पारिएको छ। 

आन्दोलनकैबीच सांसदहरू होटलभित्र पसेका हुन्। अहिले उक्त क्षेत्रमा व्यापक प्रहरी परिचालन गरिएको छ।