प्रधानमन्त्री पुष्पकमल दाहाल ‘प्रचण्ड’ले आजदेखि शुरू माध्यमिक शिक्षा परीक्षा (एसईई)मा सहभागी विद्यार्थीको उज्ज्वल भविष्यको कामना गरेका छन्। 

प्रधानमन्त्री प्रचण्डले सामाजिक सञ्जालमार्फत सन्देश दिँदै एसईईलाई व्यवस्थित, मर्यादित, शान्त र भयरहित बनाउन सम्बद्ध सबैलाई आग्रह गरेका छन्।

उनले सन्देशमा भनेका छन्, 'आजदेखि शुरू हुने माध्यमिक शिक्षा परीक्षामा सहभागी हुनुहुने सम्पूर्ण विद्यार्थी भाइबहिनीको उज्ज्वल भविष्यको कामना गर्दछु ।' 

एसईईलाई व्यवस्थित, मर्यादित, शान्त र भयरहित बनाउन आ-आफ्नो ठाउँमा भूमिका खेल्न परीक्षासँग सम्बन्धित सबैमा प्रधानमन्त्री दाहालले अपिल गरेका हुन्।