वैशाख १० गते हुने उपनिर्वाचनका लागि नेकपा एमालेले बारा–२ मा पुरुषेत्तम पौडेललाई उम्मेदवार बनाउने निर्णय गरेको छ ।

तनहुँ र चितवनको उम्मेदवार टुंगाए पनि एमालेले बाराको उम्मेदवार सोमवार मात्र टुंगाएको हो । पौडेल पूर्व मन्त्री हुन् । पार्टीले पौडेललाई उम्मेदवार बनाउने निर्णय गरेको उपमहासचिव विष्णु रिमालले जानकारी दिए ।

बारामा सत्ता गठबन्धनले जसपाका उपेन्द्र यादवलाई समर्थन गरेर उम्मेदवारी दिएको छैन । जनमत पार्टीले शिवचन्द्र कुशहवा र रास्पवाले रमेश खरेललाई उम्मेदवार बनाएको छ ।

उपनिर्वाचन हुने क्षेत्रमा सोमवार उम्मेदवारको मनोनयन दर्ता गर्ने कार्यक्रम छ ।