अमेरिकाका पूर्व राष्ट्रपति डोनाल्ड ट्रम्पले पोर्न स्टारसँग जोडिएको मुद्दामा आफू निर्दाेष रहेको बताएका छन् ।

अमेरिकाको म्यानहट्टन अदालतमा भएको सुनुवाइका क्रममा ट्रम्पले आफू निर्दाेष रहेको दाबी गरे । अभियोजक पक्षका वकिलले भने ट्रम्पमाथि ३४ आरोप लगाएका छन् ।

अदालतले मुद्दाको सुनुवाइ सकेर आगामी सुनुवाइ ४ डिसेम्बरका लागि तोकेको छ । त्यसदिन पनि ट्रम्प अदालतमा हाजिर हुनुपर्नेछ ।

पोर्न स्टारसँगको मामिला लुकाउन १ लाख ३० हजार अमेरिकी डलर गोप्य रूपमा दिएको आरोप ट्रम्पमाथि छ । पोर्न स्टारसँगको सम्बन्ध बाहिर आएपछि उनको राष्ट्रपति उम्मेदवारको चुनावी अभियानमा असर गर्ने अवस्था थियो । उनले चुनावमा प्रभाव नपरोस् भनेर रकम दिएको आरोप लागेको अन्तर्राष्ट्रिय सञ्चारमाध्यमले जनाएका छन् ।