नेकपा एमालेका महासचिव शंकर पोखरेलले माओवादी अध्यक्ष प्रचण्डले आफैंलाई धोका दिइरहेको बताएका छन् ।

पार्टीको ‘मिसन ग्रासरुट’ अभियानमा हेटौंडा पुगेर महासचिव पोखरेलले ख्नलाई माओवादीले एमालेलाई धोका दिएको जस्तो देखिए पनि आफैंले धोका खाइरहेको बताएका हुन् । 

‘अहिले कतिपय हाम्रै एमाले कार्यकर्ता पनि प्रचण्डबाट हामीलाई धोका भयो भनिरहनुभएको छ तर यस्तो अन्योलबाट मुक्त हुन जरुरी छ’ पोखरेलले भने, ‘प्रचण्डले एमालेलाई होइन बरु उनीहरू आफूले आफैंलाई धोका दिएका हुन् । अबको केही समयमा माओवादीले आफैंले पाएको धोकाको परिणाम थाहा पाउँछ ।’

प्रचण्डले प्रधानमन्त्री भए पनि काम गर्न नसक्ने, अर्थतन्त्र सुधार्न नसक्ने र काम गर्न नसकिने रहेछ भनेर स्वीकार्ने उनको भनाई थियो ।