कोरोना भाइरसको संक्रमणबाट बुधवार १ जनाको निधन भएको छ ।

स्वास्थ्य तथा जनसंख्या मन्त्रालयका अनुसार बुधवार १ जना संक्रमितको उपचारका क्रममा निधन भएको हो । 

बुधवार १ हजार ६३४ जनामा गरिएको परीक्षणमा ८२ जनामा संक्रमण देखिएको छ । सक्रिय संक्रमितको संख्या ३६१ पुगेको छ । उपचारपछि बुधवार ६५ जना घर फर्किएका छन् । 

काठमाडौं उपत्यकामा २९ जना आइसोलेसन, ५ जना सघन उपचार कक्ष (आईसीयू) र १ जना भेन्टिलेटरमा उपचाररत रहेका छन् । मन्त्रालयले कोरोना भाइरसको संक्रमण बढ्दै गइरहेकाले खोप लगाउन आग्रह गरेको छ । 

नेपालमा छिमेकी देशमा भारतमा फैलिएको कोरोना भाइरसको नयाँ भेरियन्ट ओमिक्रोन एक्सविवि. १.१६ देखापरेको छ । शून्यमा झरेको संक्रमण भारतसँगको खुला सिमानाका कारण नेपालमा फैलिएको छ ।