एनएमबि बैंकमा ‘स्मार्ट नारी बचत खाता’ खोलेका ग्राहकले सामसङको वासिङ मेसिन र माइक्रोवेभ ओभन खरिदमा छुट पाउने भएका छन्। बैंककाअनुसार ग्राहकले २३ प्रतिशतसम्म छुट प्राप्त गर्नेछन् ।

त्यसका लागि सामसङको नेपालका लागि आधिकारिक विक्रेता हिम इलेक्ट्रोनिक्ससँग सम्झौता गरिएको बैंकले जानकारी दिएको छ। सम्झौताअनुसार ई–एनएमबि मोबाइल एपमार्फत् गर्दा २३ प्रतिशत वा १ हजार ५ सय रुपैयाँसम्म छुट प्राप्त गर्न सकिनेछ ।

सो सम्झौताले ग्राहकलाई नवीनतम तथा एड्भान्स घरेलु उपकरणमा पहुँच सुनिश्चित गर्ने अपेक्षा लिइएको दुई पक्षले बताएका छन्।​

एनएमबि बैंकले हाल देशभरि २ सय १ शाखा, १ सय ३८ एटीएम र १२ एक्सटेन्सन काउन्टरमार्फत कारोबार गर्दै आएको छ।