जसपाका अध्यक्ष उपेन्द्र यादवलाई पार्टीका तर्फबाट गत स्थानीय तह निर्वाचनमा कलैया उपमहानगरपालिकामा विजयी भएका जनप्रतिनिधिहरुले चाँदीको मुकुट र २ सय किलोको माला लगाइदिएका छन् । 
वैशाख १० गते सम्पन्न उपनिर्वाचनमा सानदार विजय हासिल गरेको भन्दै यादवलाई जसपाका वडाध्यक्ष र कार्यपालिका सदस्यहरूले सम्मान गरेका हुन् । 

आइतबार जसपाका वडाध्यक्ष र कार्यपालिका सदस्यहरूले उनलाई चाँदीको मुकुट लगाइदिए । यस्तै उनलाई उनलाई २ सय किलोको माला समेत पहिर्‍याइएको जसपा कलैया उपमहानगरपालिका समितिले जनाएको छ । 

यादव जनमत पार्टीका उम्मेदवार शिवचन्द्र कुशवाहालाई ५ हजार भन्दा बढी मतान्तरका साथ विजयी भएका थिए । उनी विजयी भएपछि काठमाडौँमा शपथका लागि समेत नआइ जिल्लामा खुसीयाली मनाउन व्यस्त छन् ।