प्रधानमन्त्री पुष्पकमल दाहाल ‘प्रचण्ड’ नवलपरासीको गैंडाकोटमा स्थानीयवासीको साझेदारीमा आईएमई समूहले निर्माण गरेको मौलाकालिका केबलकारको सोमवार उद्घाटन गर्दैछन् ।

उनी आइतवार दिउँसो नै चितवन आएर बसेका छन् । यससँगै प्रधानमन्त्री प्रचण्डले सोमवार बिहान प्रेस सेन्टर नेपालले आयोजना गर्ने ‘पत्रकारसँग प्रधानमन्त्री’, बिहान हिमालयन फ्रन्टियर्स प्याराग्लाइडिङ कम्पनी चितवनले सञ्चालन गरेको प्याराग्लाइडिङको उद्घाटन गर्ने कार्यक्रम रहेको छ । 

प्रधानमन्त्री दाहाल आइतवार शिवनगरस्थित आफ्नै निवासमा रहेका छन् । उनी सोमवार चितवन र नवलपुरका विभिन्न कार्यक्रममा सहभागी भई दिउँसो १ बजे काठमाडौं फर्किने कार्यक्रम रहेको चितवनका निमित्त प्रमुख जिल्ला अधिकारी चिरञ्जीवी शर्माले बताए ।