काठमाडौँ महानगरपालिकाका मेयर बालेन्द्र शाह (बालेन) फेरि दलहरुमाथि खनिएका छन् । उनले नयाँ पुराना सबै नेताहरु चोर भएको जिकिर गर्दै कटाक्ष गरेका हुन् । 

उनले कसैलाई पनि देशको माया नभएको समेत आरोप लगाएका छन् । ‘नयाँ, पुरानो सबै नेताहरु चोर हुन्, कसैलाई देशको माया छैन’, बालेनले मंगलबार राति सामाजिक सञ्जालमा लेखेका छन् । 

उनले नेतामाथि आक्रोश पोखेर गरिएका टिप्पणीमा कमेन्टको बाढी आएको छ । कमेन्टमा कतिपयले उनको समर्थन गरेका छन् भने कतिपयलेचाहिँ बालेनको टिप्पणीप्रति विमति जनाएका छन।  उनले सामाजिक सञ्जालमा लेखेको ४० मिनेटकै बीचमा ११ हजार भन्दा बढी कमेन्ट र ५४ हजार भन्दा बढी लाइक आएका छन् ।