गैंडाको खाग ओखेटोपहार खरिदबिक्री गरेको आरोपमा प्रहरीले ३ जनालाई पक्राउ गरेको छ ।

ललितपुर महानगरपालिका–४ स्टिल टावर चोकनजिक गैंडाको खाग खरिदबिक्री गरिरहेको भन्ने सूचनाका आधारमा प्रहरी टोलीले ३ जनालाई पक्राउ गरेको हो ।

प्रहरीले चितवनका रोशन घिमिरे र युवराज घिमिरे तथा धादिङका वीरेन्द्र तामाङलाई नियन्त्रणमा लिई चेकजाँच गर्दा खाग बरामद भएको छ ।

पक्राउ परेकाहरूलाई थप अनुसन्धान तथा कारबाहीका लागि डिभिजन वन कार्यालय गोदावरी ललितपुरमा पठाइएको प्रहरीले जनाएको छ ।