मंसिर १६, २०८०
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
कोशी प्रदेश नामकरणप्रति असन्तुष्ट जनता समाजवादी पार्टी (जसपा) सांसद तथा स्वास्थ्यमन्त्री निर्मला लिम्बुले मन्त्री पदबाट राजीनामा दिएकी छन् ।
बुधवार मुख्यमन्त्री हिक्मत कार्कीलाई राजीनामा बुझाउँदै लिम्बुले जातीय पहिचान पक्षधरलाई पेलेपछि राजीनामा दिन बाध्य भएको बताइन् ।
मुख्यमन्त्री कार्कीले नामकरणपछि उत्पन्न समस्यालाई समाधान गर्न चासो नदिएको उनको आरोप छ । ‘वार्ता समिति बनाएर समस्या समाधान गर्न मुख्यमन्त्री कार्कीलाई पटक–पटक आग्रह गरे पनि कुनै चासो देखाउनुभएन,’ लिम्बुले भनिन्, ‘यो सरकारमा बसेर पहिचानका कुरा उठाउन नसकिने निष्कर्ष निकालेर सरकारबाट बाहिरिएको हुँ ।’
पछिल्लो समय आन्दोलनकारीको निसानमा समेत आफू परेको लिम्बुले बताइन् । गत आइतवार ‘यो निर्मला बस्ने मन्त्रालय होइन’ भनेर मेरै कार्यकक्षमा ताकेर आन्दोलनरत पहिचानवादीहरूले ढुंगामुढा गरेको उनले बताइन् ।
‘सरकारमा बसेर आफ्ना माग सम्बोधन गर्न नसकेको भन्दै पहिचान पक्षधर साथीहरूले मलाई नै तारो बनाउनुभयो,’ लिम्बुले भनिन्, ‘तर म एक्लो सांसदले केही गर्न सक्ने अवस्था थिएन । सरकारले पनि निर्मलाले सरकार छाड्दा अल्पमतमा परिँदैन भनेर कुनै चासो देखाएन ।’
शान्तिपूर्ण आन्दोलनमा सरकारले नै दमन गरेको लिम्बुको आरोप छ । प्रदेश सरकारले मंगलवार मात्रै आन्दोलनरत पक्षसँग वार्ताका लागि आह्वान गरेको थियो तर वार्ता समिति गठन गरिएको छैन ।
मुख्यमन्त्री हिक्मत कार्कीले सरकारले वार्ताका लागि आह्वान गरेकाले सरकारसँगै वार्ता गर्नुपर्ने बताउँदै आएका छन् । ‘पहिचान सहितको संघीयतालाई टेकेर नामकरण गर्नुपर्ने भए पनि त्यसको उल्टो भयो । ‘कोशी’ प्रदेश भयो । नाम पहिचानको विरुद्धमा आएपछि म सरकारमा रहनुको कुनै औचित्य नै देखिनँ । नामकरणलगत्तै राजीनामा दिन खोजेको थिएँ तर नेताहरूले केही दिन पर्खनु भनेकाले अहिलेसम्म पर्खेकी हुँ,’ उनले भनिन् ।
जसपा सरकारबाट बाहिरिए पनि कोशी प्रदेश सरकार तत्काल अल्पमतमा परेको छैन । नेकपा माओवादी केन्द्रले सरकार नछाड्दासम्म सरकार अल्पमतमा पर्दैन । माओवादीले साथ छाड्दा भने कार्की नेतृत्वको सरकार अल्पमतमा पर्छ ।
कोशीमा एमालेका ४० र राप्रपाका ६ जना सांसद छन् । बहुमत पुर्याउन ४७ सांसद आवश्यक पर्छ । अहिलेको सरकारलाई एमालेका ४०, माओवादी १३ र राप्रपाका ६ गरी ५९ सांसदको समर्थन छ । अब जसपाले सरकार छाडेपछि माओवादीका लागि पनि धर्म संकट शुरू हुनेछ तर माओवादीले कुनै प्रतिक्रिया दिएको छैन ।
मुख्यमन्त्री कार्कीले सरकार कानूनअनुसार चल्ने बताए । ‘जसपाले सरकारलाई दिएको समर्थन फिर्ता लिएको ३० दिनभित्रमा विश्वासको मत लिनुपर्छ,’ कार्कीले भने, ‘म त्यहीँअनुसार अगाडि बढ्छु । हिक्मत कार्की नेतृत्वको सरकारले सबै काम परसम्म पुर्याएर सुखद टुंग्याउँछ ।’
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...