लियोनेल मेसी आबद्ध हुने भएपछि पछिल्लो समय अमेरिकी सकर (फूटबल) क्लब अमेरिकी क्लब इन्टर मियामीमा गूगल सर्चमा ट्रेन्डिङमा छ ।

मेसीको आबद्धताको चर्चासँगै विश्वभर रहेका फूटबल प्रेमीले इन्टर मियामीबारे जान्न चासो राखेको यसबाट पुष्टि हुन्छ ।

सबैभन्दा रोचक कुरा त मेसी जान लागेको नयाँ क्लबबारे चासो राख्नेमा उनको आफ्नै मुलुक अर्जेन्टिनाभन्दा बंगलादेश, नेपाललगायत अगाडि छन् ।

पछिल्लो एक सातामा इन्टर मियामीबारे सबैभन्दा धेरै बंगलादेशमा खोजी गरिएको छ । बंगलादेशमा मेसी र अर्जेन्टिनाको फ्यान फलोइङ निकै जबर्जस्त छ ।

इन्टर मियामीबारे चासो राख्नेमा दोस्रोमा हैटी छ भने तेस्रोमा नेपाल, चौथौमा अर्जेन्टिना र पाँचौंमा आइभरी कोस्ट छन् ।

बार्सिलोनामा आफ्नो करियरलाई निकै उचाइमा पुर्‍याएका मेसी पछिल्लो समय फ्रान्सको पीएसजीमा आबद्ध थिए ।

फेरि बार्सिलोना फर्किने कि बम्पर अफर स्वीकार्दै साउदी अरेबिया जाने भन्ने चर्चाका बीच मेसीले अमेरिकी क्लब रोजेका हुन् ।

विशेष गरी छोराहरूको पढाइ र भविष्यका लागि मेसीले अमेरिका रोजेको चर्चा छ ।