लोकदोहोरीमा सक्रिय कलाकारहरूले तीज गीतको तयारी सुरु गरेका छन् । 

सर्जकहरु तीज गीत सिर्जनामा व्यस्त बन्न थालेका छन् । कतिपय कलाकारहरूले तीज गीतको रेकर्डिङ समेत सुरु गरेका छन् । 

गायिका सम्झना भण्डारीले तीज गीत रेकर्डिङ गरिसकेकी छन् । उनले फेसबुकमा तस्वीर राख्दै तीज गीत रेकर्ड गराएको जानकारी दिएकी छन् । 

तीज गीतको भिडियोको काम पनि बिस्तारै सुरु हुँदैछ । भिडियो सुटिङका तस्वीर भने सामाजिक सञ्जालमा देखिएका छैनन् । सम्भवतः असार पहिलो साताबाट धमाधम रुपमा तीज गीतको छायाँकन सुरु हुनेछ । हरेक वर्ष तीजलाई लक्षित गर्दै दर्जनौं गीत सार्वजनिक हुँदै आएका छन् । 

कतिपयले असार लागेपछि स्टुडियोमा रेकर्डिङको चाप हुने र पालो पाउन गाह्रो हुने भएकाले चाँडो गरेर रेकर्ड गर्ने गरेका छन् । 

तीजका गीत सार्वजनिक भने साउनबाट मात्रै हुने गरेका छन् ।

यसवर्ष तीज असोज १ गते परेको छ ।